Paraguái Ñe’ẽnguéra Rerekua ojapo Amandaje Guasu

Artículo de opinión.

 

Paraguái Ñe’ẽnguéra Rerekua (Secretaría de Políticas Lingüísticas) ojapo, ko guarani Arapokõindýpe, Ñomongeta kakuaa ñe’ẽ mokõi: guarani-castellano ha mayma Paraguái ñe’ẽnguéra rehegua, tapicha arandu ouva’ekue ambue tetãgui ha ñane retãygua ndive. Ko no’õvusu ipukúkuri 4 ára: oñepyrũ 21 jasypoapy ha opa kuehe 24 ka’aruete.

Léi Ñe’ẽnguéra rehegua (Ley de Lenguas) ningo omoheñói Paraguái Ñe’ẽnguéra Rerekua; 2011 guive kóva oñepyrũma omba’apo ñane ñe’ẽnguéra rehehápe. Ko Terekuaa ombohapeva’erã política jahechápa ñane retãme imbarete ha ojeporujoja mokõive tetã ñe’ẽ tee: guarani-castellano, ha hekoresãi avei umi indígena ha pytagua ñe’ẽnguéra ojeporúva ko yvýpe. Jahechápa ombyaty marandu ha arandu ikatuva’erã oipytyvõ chupe omohenda hag̃ua hembiaporãita ha ojeity omba’apo ohupyty hag̃ua tembiaporã oñeme’ẽva chupe, Ñe’ẽnguéra Rerekua japo ko “Amandaje Paraguái Ñe’ẽ Mokõi, Ñe’ẽ aty ha Arandukuaajehe’a rehegua Peteĩha”, ipukúva 4 ára, oĩ haguépe heta tapicha arandu pytagua ha paraguaigua oñe’ẽ ha omog̃uahẽva imba’ekuaa.

Tetã ambuégui ou haoipytyvõ ko’ã tapicha ha’eve ha iñarandúva ñe’ẽme:

Dr. José Ramón Gómez, Universitat de València, España-ygua

Dr. Michael Gasser, Indiana University, Estados Unidos-ygua

Dr. Shaw Nicolás Gynan, Western Washington University, Estados Unidos-ygua.

Dr. Pierre Laffitte, Francia-gua oipytyvõ avei videoconferencia rupi París guive.

Ko Amandaje oñemoñepyrũ Congreso Sala Bicameral-pe, ha upéi ohasa PRODEPA KO’Ẽ PYAHY, Instituto Superior de Educación korapýpe. 200 rasa tapicha opa rupigua ñane retã ha Argentina-ygua ohua’ĩkuri ojojuhu, omoanambusuve iñarandu ha ombojoajúvo imba’ekuaa ambue hapichakuéra ndive. Ko no’õvusu oiko hag̃ua oipytyvõkuri Ministerio de Educación y Cultura (MEC) ha Organización de Estados Iberoamericanos (OEI).

Paraguái Ñe’ẽnguéra Rerekua ningo heñói omba’apo hag̃ua opaite ñane retã ñe’ẽ rehe, ko’ýte guarani ha castellano rehe. Ipópe opyta Léi Ñe’ẽnguéra Rehegua omohenda ha omandáva oñemoañetévo. Ko Terekua, tenonderãite voi iku’iva’erã omba’apo Estado ryepýpe guarani ha castellano ojeporujoja hag̃ua, upe rire omba’apova’erã tetãyguakuéra opavave oikuaa, ijaguara ha oiporúvo hekovépe ko’ã tetã ñe’ẽ. Avei omba’apova’erã opaite ñe’ẽ oiporúva ñane pehẽngue indígena hekoresãi ha imbaretévo.

Marandueta osẽva’ekue oñembyatypáta peteĩ arandukápe, ha ko’ẽrõite oĩta opavave pópe.

 

 

 

 

Comentarios

Publicá tu comentario

Este mensaje de error solo es visible para los administradores de WordPress

Error: Las solicitudes de API se están retrasando para esta cuenta. No se recuperarán nuevas entradas.

Inicia sesión como administrador y mira la página de configuración de Instagram Feed para obtener más detalles.