«La gente me dice que le gusta Tembi’u Rape porque en él se habla sin vergüenza el guarani»

Perla Álvarez ha’e omoñe’êva ta’anga osêva telepe, hérava Tembi’u Rape, ikatuva ogana aipo «Premios TAL», oñehaâvare hína umi tele kuéra estado mba’éva  América Latina-gua. Perla omombe’u ko ñemonguetápe mba’épa chupe guarâ ko programa ojeohechaporâitéva ñaneretâme.

Fuente: Conamuri

En un fluido pero sencillo guaraní, Perla aborda las preguntas de esta entrevista con el fin de explicar el éxito que coronó el programa Tembi’u Rape, que se emite por Tv Pública Paraguay. Cuenta cómo surgió apartir de las ideas del desaparecido sociólogo Tomás Palau, entonces director del Centro de Estudios-Base Investigaciones Sociales (Base-Is), y del apoyo de la Coordinadora de Mujeres Trabajadoras Rurales e Indígenas (Conamuri). También revela que la gente de la calle le dice que gusta del programa «porque muestra nuestro ser de paraguayos y paraguayas, y porque los que aparecen en él hablan fluidamente y sin verguenza el guaraní».

Tembi’u Rape es una inicativa de Base Is, Conamuri, y la Cooperativa de Trabajadores de la Comunicadores Atycom, bajo la realización de esta última. Dirigido por Sofia Paoli, con cámara de Juan Carlos Lucas y la producción y guión de Miguel Armoa, este programa es uno de los concursantes por los «Premios TAl» organizado por la red de canales públicos de América Latina denominado Telelvisión America Latina (TAl). Este 24 de julio se realizará la gala de los “Premios TAL” en Montevideo, Uruguay, en el marco del prestigioso festival “Doc Montevideo”.

Perla, emombe’umi chéve mba’éichapa pembojere pene akãme ha pemoñepyrũ kuri tembiapo hérava Tembi’u Rape, ojehechaukávakuri TV Pública rupive…

Ñepyrũrã ningo Base Is-pe oje’e ojapo haguã peteĩ tembiapo Derecho a la Alimentación rehegua TV pública oñepyrũtavape. Upérõ Tomás Palau oñe’ẽ che irũnguéra ndive CONAMURIpe. Ore rogueroguata hendivekuéra Campaña Alimento Sano, Pueblo Soberano. Ijaporãiterei oréve. Base Is oñe’ẽma voi Atycom ndive. Upépe roguapýma roñomongeta mbohapyve. Tenonderã oje’ékuri ojejapotaha tembi’u paraguái estudio-pe, ambue hendápe ñomongeta tapicha katupyry ndive derecho a la alimentación rehe ha ambue vorépe oñeñe’ẽta upe hi’upyrã ojeporúva rehe. Oguahẽma ára ojejapo haguã ára ojejajo haguã DEMO, techaukarã ha roguapyjey rohecha mba’eichaitépa rojapóta. Upépe che irũnguéra he’i mba’érepa ndajahái lo mitã oĩhápe voi. Ho’a porãiterei kóva ha roñepyrũ rohecha moõpa rohokuaa, mba’épa rojapóta, mávapa ojapóta, mba’éichaitépa. Ro’e guaraníme jajapova’erã, jahechauka lo mitã arandu ha ikatupyry, anítei ikaigue, ha péicha romoheko rohóvo. Upéi oje’e chéve: nde reñe’ẽkuaa, ha jahechava’erã mávapa oñekosináta. Che apuka, mba’étepa che ajapóta tembiapo ñekosina rehegua, che mombyrymínte aikóva kosinágui. Upépe ojehecha avei umi jahakuévo jahecha kokue, mba’éichapa oñemba’apo kogatýpe hamba’e ikatu ñane irũnguéra voi ohechauka mba’éichapa ojejapo tembi’u. Ha péicha rojapo. Ja’eva’erã, rojapokuévo tembiapo tenonderãgua, ojejapo avei ko tembi’u rape “formato-rã”. Tapicha aty omba’apóva omoañete haguã tembi’u rape tapicha katupyry meme ha ohayhu añete hembiapo ha ko mba’a pyahu oñemoheñóiva oñondivekuéra. Tomás Palau heta omokyre’ỹ ha oipytyvõ. Romohendapávo ko tembiapo peteĩha hesakãve mba’épa rojapose. Ha roha’arõ aja oñemoneĩ roguapýma roñamindu’u ambue tembiaporã rehe. Roikuaávo oikaha ore rembiapo TV Pública rembiapo ypy apytépe orekyre’ỹvéntema ha roko’i romohenda porãve ambue jehechaukapyrã.

Por lo visto ogusta la gente-pe ra’e. Ahendu ojeporavo programa iporãvéva apytépe, pe concurso-pe ombojoajúva hína Televisión America Latina. Mba’é ere upévare? 

Chéningo aporandumimi tapichakuérape mba’épa ohecha porã ko tembiapópe. Péicha he’i chéve hikuái: ojehechauka ñande reko; ñane ñe’ẽ teetépe ojejapo; tapichakuéra upépe ojehecháva notĩri ha ikatupyryeterei hikuái; ñomongeta upépe osyryry mba’eve’ỹrõguáicha; oñeñe’ẽ la problema rehe avei;  chemomandu’a che sý rehe, che aguéla rehe; che mitãme péicha rojapómi; ipolítiko avei.

Ha iporãvéva lo mitã he’i ojehechauka ñande reko okaraygua ha’ehaichaite, noñemokañýi mba’eve, noñembojeguái ha avei la tembi’u inatural-pe ojehecha ha oje’u.

Avei he’i chéve tapicha ojechamimíva, oikũmby’ỹramo jepe guaraní, ta’ãnga neporãva rupive, ñane gente hete ha hovápe avei oñe’ẽ.

Oĩ avei he’íva chéve nañekosináirõ jepe che, che rupive oikuaaha heta mba’e ñane rembi’u rehegua.

Indígena reko ojehechauka’imi avei, jepe sa’i, upéva ojehecha porãiterei avei. Hi’ã hetave, oje’e chéve.

Ahechángo reñemomýi porâitereiha periodista-icha… nderepensái reikévevo ko asunto-pe?

Chembopuka kóva, Ari. Chéningo ndaha’éi periodista, ndaha’éi socióloga ha ndaha’éi atropóloga avei, oñeporanduháichajepi chéve. Añetehápe, aike kóvape ijykéguio, apúrope, ha ajejuhu chenteha voi añomongetaháicha che irũnguéra ndive, che voi ajúgui upe tekógui, katu ajevy ambue hendáguio, ha oiméne upéva upe chemoaguĩva tapichakuéragui. Aikuaa avei ñane ñe’ẽ guaraní hekópe ñanembojojaha ha upéva ápe ko tembiapo Tembi’u rapépe ojekuaa porãiterei.

Hetajeýningo che ha’éva, Ari, lo mitã ojechahápe che rembiapo ikatuha oipytyvõ ñande rekokatuve haguã, oñemomba’e haguã ñane rembiapo, ñande derecho yvyporaháicha jarekóva, upépe aiméne che.

Peteĩ mba’e che irũnguéra okaraygua omomba’éva ko tembiapópe, upe ha’ekuéra chembo’e heta mba’e chéve, ohechakuaa oñemomba’eha ikuaapy ha che ajavykuaaha ha’ekuéraicha.

Fotograma del programa Tembi'u Rape, realización de Atycom Ltda. para Base IS y Tv Pública

Fotograma del programa Tembi’u Rape.

Hablame de los conocimientos gastronómicos del pueblo que a través de Tembi’u Rape se descubrieron…

Heta mba’e oĩ sa’inunga ñahendu térã jahecha ko’ã ára rupi. Umíva apytépe ikatu ja’e oĩha: chipa kandói, ojekuaáva avei chipa manduvi ramo; mba’éichapa ojejapo jopara, mba’e ndahasyietéva katu heterei ni ndajaroviaséi, upe torta de miel, mba’e ndehéva javiju asy; mba’éichapa jajapo jety mbichy, ka’i ku’a yma guaréicha ha hetaitereive mba’e…

Tembi’u rapéningo noguahẽi mombyry, ha péicha ramo jepe hetaiterei mba’e oĩ gueteri ñande reko rehegua kañymby tekotevẽva jaguerujey mandu’ápe ha jajapojeývo ñande jepokuaa ikatúta ñamomba’ejey ha ñañangareko hese ani haguã ogue. Péva he’ise kogaty campesino, campesina ha indígena rekópe tekotevẽ oñañangareko ha oñepytyvõ ỹrõ opáta ñane rembi’u rape, ñande karu rapo. Ñande ningo amo hapópe upe ja’úva ha mba’éichapa ja’u. Opáramo avati, mandi’o térã manduvi, mba’éta ñande.

Ñande karu rekópe ningo oĩ pe mba’épa ñañotỹ, mba’éichapa ñañotỹ, mba’épa ja’u, mba’éichapa ñambosako’i ñande karu, mba’éichapa ñambojy hi’upyrã, mba’éichapa ñambojehe’a, mba’éichapa jaikove oñondive ñopytyvõme. Ko’ã mba’ére tekotevẽ ñañangareko ñane rembi’u reko rehe ha ñañangareko haguã tekotevẽ jaikuaa, jahayhu ha ñamomba’e.

Mba’é la oguãhẽvéva ndéve, reñanduvéva, rejapohápe Tembi’u Rape.

Amomba’evéva pe mba’éichapa tapicha okaraygua ñande rerohorykuaa, mba’éichapa iñarandu heko mboriahu apytépe ha oñeha’ã osẽ haguã tenonde jepe ojerepa hese apañuãi omboykeséva ichupe, taha’e campesino, campesina térã indígena.

Avei ha’eva’erã añeñandu porãitereiha aty romba’apóva ndive, heta mba’épe roime peteĩ ñe’ème ha upéva ombosyryry porãve ko tembiapo.

Ambue mba’e, che irũnguéra CONAMURIgua ombojuruja rehe chéve aguahẽ haguã lo mitã rendápe tembi’u rapére, amono’õvo arandu hypy ha hypy’ũva.

Sabías que muchos televidentes de Tv Pública Paraguay, guarani hablantes, valoraron positivamente que hayas conducido en guarani el programa… 

Fotograma del programa Tembi'u Rape, realización de Atycom Ltda. para Base IS y Tv Pública

Fotograma del programa Tembi’u Rape.

Ahendumimi heta tapichápe omomba’eha ko tembiapo ojejapóre guaranietépe, ndojehecháiva péichagua tembiapo ojejapopaitéva guaraníme. Lo mitã oñandu omomba’eha ichupe avei ojekuaáre ha’ekuéra voi pype, heko ha iñe’ẽme, ha péva chéve, amba’apóva avei oñemomba’e haguã ñane ñe’ẽnguéra, tuichaiterei mba’e.

¿Mba’éichapa rehecha guarani ñe’ẽ tele-pe?

Ñahendumiẽve michĩmi, ndaikatúi ja’e noĩrieteha, katu sa’i gueteri. Ha upéi avei guaraní paraguaygua meme, tekotevẽ avei ñaikundaha ñane retãpýre ñañanduka haguã arandu hypýva. TV Pública ha’e rupi Estado mba’e tekotevẽ ombojoja guaraní ha castellano ha ome’ẽ avei ambue ypyykuéra ñe’ẽme ija haguã.

Ha mburuvichakuéra avei ohechava’erã ambue TV privado-pe guaraní oĩ haguã ha ndaha’éi kachiãirãnte. Tembi’u rape peteĩ techapyrã mba’éichapa ikatu ja’e ñane ñe’ẽme tembiapo isériova.

¿Se va a volver a emitir Tembi’u rape este año?

Ndajaikuaái gueteri mba’épa oikóta. Tembi’u rapéningo oñembohasa jo’ajo’a hína ko’ágaitéramo, katu ndojejapovéi ipyahúva. Ha che ndahechái oñeñeha’ãitereiha.

Aguijevete ndéve, Perla

 

Comentarios

Publicá tu comentario

Este mensaje de error solo es visible para los administradores de WordPress

Error: Las solicitudes de API se están retrasando para esta cuenta. No se recuperarán nuevas entradas.

Inicia sesión como administrador y mira la página de configuración de Instagram Feed para obtener más detalles.