Cuento «Sakuape»

El escritor Arnaldo Casco ganó con esta narración el premio de cuentos cortos en guaraní de El Cabildo, en el 2012. 

Dibujo del Roberto Holden Jara. Fuente: vivapy.wordpress.com

Dibujo del Roberto Holden Jara. Fuente: vivapy.wordpress.com

Ko kaso ñemombe’u E’a omôíva  ikuati’ápe relee haguâ, omoñe’ê peteî tuja chakorépe. Omomve’u ñandéve mba’èichapa veterano kuéra opyta ha’eñorei ñane retâme, ha mba’éichapa oñorairô reiete vaekue hikúaipe pe ybyrehe, jahechávo kóaga pe chaco ndaha’èiha gueteri Paraguai mba’e.

Arnaldo Casco nació en 1985 en la Compañía Agustín Molas, del Distrito de Borja, Departamento del Guairá. Es docente en lengua y cultura guraní. Actualmente cursa la carrera de Letras en la Facultad de filosofía de la UNA. Escribió la novela «Tatukua», la que recibió una mención de honor en el concurso de la Sociedad de Escritores del Paraguay, en el 2013.

 

Sakuape

 

Peteî koty’i ypytü raguinóme, ijeguakapáva kupi’i rape ha ñandurenimbógui, ovecha raguerôgua haju haju osaingo; mykurê re’onguéicha hyakuâ mbarete tupa’i jarépe karai Oliveira, tuja’i karapâ imarachachämbaitémava ika’aruetereiraságui. Hasêmba ojere hi’ári mberu hovy ha yso’ikuéra okaru mbaretéma hetyma po’íre; oho’o’o, ohuguy’o, oike ikangue peve, okambu ha otiti hetyma ju’áire. Karai Oliveira katu heko ypytü guive ojahe’o ha osapukái, ymírente ojeruve. Tre dia háma ndojeporiahuverekovéi tuja’i kane’ô; ipy’anandi mbaraka ryéicha, ijy’uhéi, ikuare, ipytu kyta’îmbaitéma, agaite agavépe impytuhopaháta.

Karai Oliveira yma ipyatäme karia’y nde pyapýva va’ekue. Ndahesapirîri imitârusúpe oje’ói hagua oñorairô Chákope, hetä yvýre oñemomba’eséva muñávo. Upégui osê Teniente Oliveira ha araka’eve ndoguevíriva hetâ rayhupápe. Heta oñorairô mboriahu reve ha mboriahu ykére, ha heta jey jave upéicha ho’a ka’irâime hamba’e ombohasaségui ipo imboriahuvéva chuguípe. Chokokue vale avei oiko chugui; hy’ái repykuére omongakuaapa iñemoñarekuéra, voínte isarambipáva, ha upéi itujavévo opyta ha’eño hóga guasúpe.

Hesakuape mboyve Karai Olivéira, ohójepiva ikamaradakuéra pokâ pokâ reve oguata Cháko yvy rehe, oñemomandu’a hikuái ñorairô guasúre; mba’éichapa hetaite teko’asy, yuhéi ha vare’a ohasa va’ekue hetâ rehehápe, jahechápa hetäñemoñarekuéra ndoikopiro’yvéi chuguikuéra ha ani tetä ambuégui ojeju mbaretépe oñepyrü pyrü reínte hesekuéra. Imandu’a hikuái hetaite iróva oisu’u hague ha heta iñirünguéra ome’ê hague hekove kyrÿi Cháko yvýre. Heta oiko asy ramo jepe hikuái upérô, torýpe oromandu’a â mba’e. Ikuimba’e ha ipyapy rupi hikuái oropu’akava’ekue ñorairô, ojoko ha omboguevi va’ekue hikuái ojepohyiséva hetäre.

Peteî jey jave Teniente Olivéira ojejuhujeýma ikamaradakuéra reve Chákope ha ho’a ipy’akuéra yvýpe, iku’i ikorasökuéra ha ojeka mbytetépe ohechárô mba’éichapa ojeikejeýma Cháko yvýpe. Tetä ambueguakuéra ijyvyperöguáicha oipyguara, oñemomba’epa yvy ha yvyguypeguáre; ka’aguy ojejapete ápe ha pépe, oñemonandi mymba rendaçuáje, ñemitÿetarä. Oñemuña ha oñemosëmbaYpykuérape, yvyjarateépe, oñembohuratata chupekuéra hekohágui ha tetä myäkäharakuéra katu ojejurumbovyvyjoaite, oñembohesahü, ikuâ’i jepe nomongu’éi hikuái hetâ rérape.

-Nda’iporivéi ipyapy ha hetä rayhúva- He’i Teniente Oliveira ojevývo Chákoguiupérô, hesay pororo, oiko’ö chupe hendy, ipyti’a’yképe oñandu porâ ojopy’asýha chupe â mba’e. Upérô ipaha oje’ói hikuái Chákope. Nda’ipukúi ha ou ndohechavéi karai Oliveira, opyta hesakuape tuja poriahu; ha’ete oma’êreítamava hetâyguakuréra renondépe, hesa resäi joa ha noma’ëjesarekoséi hikuái, upémarô ombotyete avei ha’e hesa.

Ñembohorýrô ojeguereko chupe mamo ohohápe. Osëva jepi oguata, takuára ropytare ipópe tenonderâ oheka chupe tape potî ani opyrû yvykuápe térâ ojoso itî mamove. Mitä ra’y oïva jerére orosapukái tuja’i karapâ sakuapépe, ho’a ha opu’âva oguata rangue, opyrühápente oñepysanga ha ojapajeréima yvy pytäre. Mitä tie’y ndahekorâiva ojepursea hese hondítape, ombopire kandupa karai ka’aru, ombo’e hese jagua pochyeta ha upéicha jave ijao sorokue chalái ojevy hógape karai Oliveira. Upéicharö ha’e ombojánte voli py’ajúre oñembosaráiva hese, ndoroviamo’âi araka’eve hóga jereregua, ipehengue ha hetäygua ojahéine haçua hese, hetaite ipyahúpe oñorairôre hetâ ykére. Oñemboty ikoty’ípe ha orosapukái, ombohuratata tetä ambue ombohekokechêséva hetâme. Hogajereregua ndokemo’âi chugui ijayvúgui. Jagua oïháicha omoñarômba ijehe. Koty’i ypytüme oiko ñorâirô ijojaha’`yva. Karai tuja’i heko’ypytû guive ohecha avave ohecha’yva. Hetâ yvýre ambue tetâygua oñemomba’epa ha ha’e péina ha’eñorei oñorairô iñapytu’ûme.

-Mba’éguimbo ndohoporäintema omongaru yvytaso mba’e.

-Topytu’u ha japytu’u avei chugui!-. Ña Nínaiména reve oñomongeta, ndaikatúi orambi hikuái tuja’i ayvúgui. Ña Nínaou va’ekue oñemomba’e karai Oliveira róga guasúre,ombohasa haguérente pokâ pokâ hi’upyrâmi karai tujápe; kure, jagua ha mbarakaja okarupa rire, hembýrô ohupytýne karai kane’ôme ojoko haçua ipy’a nandi. Oñemomba’e va’ekue hóga guasúre ña Nína ha omombo tuja’ípe peteï koty’i jare óga ruguápe.

-Ovy’a va’erâ oñemongarúre- Ijuru hyjúi ohykuavo ikorasö tyai kuñakarai avevo.

Ndohechavéi riremi karai Oliveira, ou va’ekue hendápe peteï avogádo horyete chupe, omohe’ë ijapysa ha ogueraha chugui ikuatiakuéra.

-Vokoieténte nekandupáta pirapirégui che ru- he’i chupe avogádo ha upete guive hesakue jepe ndojekuaavéi.

Aga péina tre dia háma ndoisu’uvéi, hendý jepe nomokôvéi, ijy’uhéi. Hetymáre ojaitypo kavichu pochýicha omumu mberu hovy ha ysoita, okaru hese; jagua räi rapykuere ou oñembyai ha ndokueravéi.Teniente Oliveire ojahe’o chu’i chu’íntema, ojapajeréi tupa’i jarépe. Ojeívaicha jepi válagui. Oha’âvaicha volípe, oapunta ha osavi itakuára ipópe ombokapurögua.

-¡Ndapeikeichéne che retä yvýre peñemomba’e! ¡Ndahejaichéne amano mboyve!

Ombokapu jepi iñapytu’ûme, ombohekoveso pokâ pokâvaicha volikuérape. Ipytu avei ikytâ’îmbaitéma. Peichaháigui oñandu ijatukupéguio ojati’yjopýva chupe vevuimi. Marical Estigarribiaitévoi ou hendápe ha he’i chupe:

-¡Teniente Jerónimo Oliveira! ¡Avy’a arekóre ndéichagua soldádo ipyapy ha hetä rayhúva!¡Tetâ Paraguái rérape, vy’apavëndéve che ra’y!Ko’aga ikatúma remboyke nemboka ha repytu’u. Hasýpe hu’ä ñorairöha hasy añetete chéve romomarandúvo japerdehague che ra’y.

Upe ka’arúpe Teniente Oliveira huvicha Estigarribiareve hesay pororo oma’ê ñembyasy mokôive, vy’a’y oñuâ chupekuéra ohechárô mba’éichapa tetâ ambueguakuéra ijyvyperôguáicha oike Chákope, oñemomba’e hese. Ohechakuaa hikuái hetaite tuguy oñehê rei hauge. Hetäyguakuéra ha imyakâhára ko’aga hesakuape, ijuru ñembovyvy ha ipo jejokua.

Comentarios

Publicá tu comentario